Qanday ishlaydi
- 1
Formani oching
Ombor → Kirim → «Qo'shish».
- 2
«AI bilan yuklash» ni bosing
Fayldagi narxlar valyutasini tanlang: so'm yoki dollar. Keyin «Faylni yuklash» ni bosing.
- 3
Faylni tanlang
Telefonda olingan rasm, PDF yoki Excel bo'lishi mumkin.
- 4
Tekshiring va saqlang
Tovarlar jadvalga tushadi. «Saqlash» ni bosmaguningizcha bazaga hech narsa yozilmaydi.
AI nima qiladi
- tovar, soni va kirim narxini jadvalga qo'yadi;
- ta'minotchi va sanani hujjatdan to'ldiradi;
- jami summani hujjatdagi bilan solishtiradi, farq bo'lsa ogohlantiradi;
- bazadagi tovarni o'zi bog'laydi, nomi biroz boshqacha bo'lsa o'xshash tovarni taklif qiladi;
- hujjat avval kiritilgan bo'lsa, ogohlantiradi.
Bazada yo'q tovarlar
Topilmagan tovarlar sariq rangda qoladi. «AI bilan yaratish» tugmasi har biriga tur, guruh va brend taklif qiladi. Tekshirasiz, kerak bo'lsa tuzatasiz va tasdiqlaysiz. Ba'zan AI bitta tovarga joy topa olmasligi mumkin, unda maydonlarni o'zingiz to'ldirasiz.
Sotuv narxi
Sotuv narxi o'zidan chiqmaydi: faylda bo'lsagina tushadi. Taklif kerak bo'lsa, ustun tepasidagi «AI taklifi» tugmasini bosasiz. Naqd narx kirim narxi va tovar marjasidan, nasiya narxi naqd narx va 12 oylik tarifdan hisoblanadi. Faqat bo'sh kataklar to'ladi, siz yozgan narx o'zgarmaydi.
Excel va ovoz
Excel fayl ham shu tugma bilan yuklanadi. Ustun nomlari tanish bo'lmasa, AI ularni o'zi aniqlaydi. Hujjat umuman bo'lmasa, ABBOT AI oynasida mikrofonni bosib ayting yoki yozing: «Tech Importdan 5 ta zaryadlovchi oldim, donasi 95 ming so'mdan». Tayyor kartochkani tekshirib tasdiqlaysiz.
ABBOT buni siz uchun qiladi
Mijozni tekshirish, shartnoma, grafik, kartadan avtoto'lov va kechikkanlar bilan ishlash — bitta nasiya savdo dasturida.