Nega nasiyadan oldin tekshirish kerak
Nasiyadagi yo'qotishlarning katta qismi bitta sababdan: mijoz do'konga kelganida allaqachon boshqa joylarda qarzdor bo'ladi. Uning boshqa bankdagi krediti, boshqa do'kondagi nasiyasi yoki MIB'dagi ijro ishi sotuvchiga ko'rinmaydi — mijozning o'zi aytmaydi.
Tekshiruvning maqsadi mijozni rad etish emas, balki to'g'ri limit berish: kim 12 oyga 15 million olishi mumkin, kimga 6 oyga 4 million yetarli, kimdan katta boshlang'ich to'lov yoki kafil so'rash kerak. ABBOT shu qarorni bir necha daqiqada, bir xil qoida bilan qabul qilishga yordam beradi — sotuvchining kayfiyati yoki tanishligi emas, ma'lumot hal qiladi.
ABBOT qaysi manbalarni tekshiradi
Har bir manba alohida pullik so'rov, shuning uchun qaysilari majburiy, qaysilari ixtiyoriy ekanini sozlamada o'zingiz tanlaysiz. Hammasi bitta tugma bilan yuboriladi, natija bitta sahifada chiqadi.
| Manba | Nimani ko'rsatadi |
|---|---|
| KATM kredit tarixi | Faol kreditlar va nasiyalar, oylik yuklama, joriy va o'tgan kechikishlar, skoring balli |
| KATM Universal | Barcha majburiyatlar bo'yicha kengaytirilgan tarix; kechikish chegarasini sozlab qo'yish mumkin |
| MIB | Majburiy ijro byurosidagi ochiq ijro ishlari va qarz summasi |
| INPS | Rasmiy ish joyi va oylik maosh |
| Soliq (DSQ) | Soliq organidagi daromad ma'lumoti |
| Pensiya | Pensiya va nafaqa to'lovlari |
| Karta skoringi | UzCard va Humo kartalari bo'yicha oylik aylanma (MyUzcard, Atmos, UniAccess orqali) |
| Avtoto'lov skoringi | JShShIR bo'yicha kartalardan avtomatik yechish imkoniyati |
| O'z bazangiz | Mijoz avval sizda nasiya olganmi va qanday to'lagan |
| Oq va qora ro'yxat | Ishonchli doimiy mijozlar va avval rad etilganlar |
| MyID | Shaxsni yuz va pasport orqali biometrik tasdiqlash |
Skoring strategiyasi: qaror qoidasini o'zingiz yozasiz
Har bir do'konning xavf darajasi har xil. Telefon do'koni MDM bilan himoyalangani uchun ko'proq limit berishi mumkin, mebel do'koni esa kafilga tayanadi. Shuning uchun ABBOT'da tayyor «ha/yo'q» emas — sizning qoidangiz ishlaydi:
- Limit rasmiy daromaddan hisoblanadi: masalan INPS maoshi yoki karta aylanmasining ma'lum bir ulushi.
- Kechikish chegarasi: Universal hisobotda belgilangan kundan uzun kechikish bo'lsa — rad etish.
- Qaysi manbalar majburiy: kichik summaga faqat KATM va MIB, katta summaga — barchasi.
- Limitdan oshgan shartnoma: rahbarning Telegram'iga tasdiq kodi boradi, sotuvchi kodni kiritmaguncha shartnoma tuzilmaydi.
- Rad etish sabablari ro'yxati: keyin hisobotda nechta mijoz qaysi sababdan qaytganini ko'rasiz.
Tekshiruv qanday o'tadi
- 1
Pasport ma'lumoti
Pasport skanerlanadi yoki JShShIR qo'lda kiritiladi. Mobil ilovada telefon kamerasi bilan.
- 2
MyID
Mijoz telefonga qarab yuzini tasdiqlaydi — shaxs va pasport bir odamga tegishli ekani aniqlanadi.
- 3
So'rov
Tanlangan manbalarga bitta so'rov ketadi. Odatda natija bir-ikki daqiqada keladi.
- 4
Qaror
Tizim strategiya bo'yicha limit va tavsiyani ko'rsatadi. Sotuvchi tasdiqlaydi yoki sababini tanlab rad etadi.
- 5
Shartnoma
Tasdiqlansa, hisobot shartnomaga biriktiriladi va keyin har doim ochib ko'rish mumkin.
Shartnomalarni KATM'ga yuborish
Sozlamada yoqilsa, tuzilgan shartnomalar KATM'ga yuboriladi. Bu ikki tomonlama foyda: mijozning boshqa joylardagi kredit tarixida sizdagi qarzi ko'rinadi, u esa to'lov intizomini buzishdan oldin o'ylab ko'radi.
Narxi
Tekshiruv faqat ishlatilganda balansdan yechiladi: ABBOT skoring — har bir tekshiruv 25 000 so'm, MyID — 5 000 so'm. Oylik obuna va boshqa xizmatlar narxi narxlar sahifasida.