Qanday himoya usullari bor
| Usul | Qurilma | Nima qiladi |
|---|---|---|
| 7MDM | iPhone, Android | To'liq blok, «faqat qo'ng'iroqlar» rejimi, ekranga xabar, ekran parolini tiklash, iCloud'ni yopish |
| Samsung Knox Guard | Samsung | Ishlab chiqaruvchi darajasidagi blok, zavod holatiga qaytarilsa ham saqlanadi |
| Mobilock | Android | Android qurilmalarni masofadan bloklash |
| iCloud himoyasi | iPhone | Mijoz iCloud akkauntini almashtira olmaydi |
| UzIMEI | Har qanday telefon | IMEI bo'yicha ro'yxatga olish va bloklash |
To'lov kechiksa nima bo'ladi
- 1
Eslatma
To'lovdan oldin va to'lov kuni mijozga SMS yoki Telegram eslatma boradi.
- 2
Yengil blok
Xohlasangiz, avval «faqat qo'ng'iroqlar» rejimi: telefon ishlaydi, lekin ekranda ogohlantirish turadi.
- 3
To'liq blok
Belgilangan kunda qurilma o'zi bloklanadi. Faqat favqulodda raqam, do'konga qo'ng'iroq va to'lov qoladi.
- 4
To'lovdan keyin
Qarz yopilgach, qurilma sahifasidan bir tugma bilan blokdan chiqariladi.
- 5
To'liq to'langach
MDM qurilmadan olib tashlanadi va telefon to'liq mijozniki bo'ladi.
iPhone uchun
- MDM MacBook'dagi Apple Configurator orqali yoki boshqa iPhone/iPad orqali o'rnatiladi. MacBook orqali o'rnatishda eski telefondan ma'lumot ko'chirish ham ishlaydi.
- Sotuvdan keyin iCloud himoyasi yoqiladi — mijoz o'z iCloud'idan foydalanadi, lekin uni almashtira olmaydi.
- Bloklangan iPhone'ning joylashuvini so'rab yangilash mumkin.
- Mijoz ekran parolini unutsa, uni masofadan tiklab berasiz.
- Telefon sbros qilinsa ham tashkilot nazoratida qoladi: blokni ochish uchun mijoz do'konga qaytadi.
Android uchun
- O'rnatish: yangi telefonga QR kod bilan, Samsung'ga qutidagi IMEI bilan, ishlatilgan telefonga USB kabel orqali.
- Himoya to'plami: zavod holatiga qaytarishni, noma'lum ilovalarni va USB orqali sozlashni taqiqlash, FRP himoyasi.
- Triggerlar: telefon belgilangan kun internetga chiqmasa — o'zi bloklanadi; SIM karta almashtirilsa yoki qayta yuklansa — sizga xabar boradi.
- Internetsiz joydagi bloklangan telefonni oflayn kod bilan ochish mumkin.
- Mijozga bildirishnoma (push) yuborish.
Halol gap: 100% himoya yo'q
Hech bir MDM tizimi to'liq kafolat bermaydi. Xiaomi va POCO kabi ayrim brendlarda himoya darajasi pastroq — qayta proshivka bilan blokni vaqtincha aylanib o'tish mumkin, lekin tizim yangilanganda himoya qaytadi. Shuning uchun bloklash — undiruvning bir bosqichi, yagona chorasi emas: mijozni tekshirish, avtoto'lov va kafil bilan birga ishlaganda natija beradi.
Narxi
MDM litsenziyasi qurilmaga, 12 oyga: ABBOT'da shartnoma tuzadiganlar uchun iPhone — 80 000 so'm, Android — 60 000 so'm. 3, 6, 9 va 18 oylik litsenziyalar ham bor. UzIMEI: biriktirish 3 000–5 000 so'm, birinchi bloklash 55 000 so'm. Batafsil: narxlar.