1. Taraflar
- Sotuvchi: tashkilot nomi, STIR, manzil, bank rekvizitlari, imzolovchi shaxs.
- Xaridor: F.I.Sh., pasport seriyasi va raqami, JShShIR, ro'yxatdagi va yashash manzili, telefon raqamlari.
- Kafil (bo'lsa): xuddi shu ma'lumotlar; kafillik alohida shartnoma bilan rasmiylashtirilgani ma'qul.
2. Tovar
Nomi, modeli, rangi, xotira hajmi va identifikatori: telefon uchun IMEI, texnika uchun seriya raqami. Shunda keyin «menga boshqa telefon berilgan» degan nizo bo'lmaydi. Tovar holati (yangi yoki ishlatilgan) va kafolat shartlari ham yoziladi.
3. Narx va to'lov grafigi
- Yakuniy narx — mijoz jami to'laydigan summa, ustama shu narx ichida.
- Boshlang'ich to'lov va qolgan summa.
- Grafik: har bir to'lovning sanasi va summasi (shartnomaga ilova sifatida).
- To'lov usullari: kassa, karta, Payme/Click, kartadan avtomatik yechish.
- Dollarda bo'lsa — to'lov qaysi kurs bo'yicha qabul qilinishi.
- Muddatidan oldin to'lash tartibi.
Markaziy bank nasiya bozori bo'yicha sharhida shartnomalarda to'lov shartlari ko'pincha aniq ko'rsatilmasligini qayd etgan. Yakuniy narx va grafikni ochiq yozish — ham mijoz ishonchi, ham nizoda sizning himoyangiz.
4. Mulk huquqi
Tovar to'liq to'langungacha kimning mulki ekanini yozing. Ko'p do'konlar mulk huquqi oxirgi to'lovdan keyin xaridorga o'tishini belgilaydi — bu tovarni qaytarib olish va qurilmani bloklash uchun asos bo'ladi. ABBOT'ning standart shablonida aynan shunday.
5. Kartadan yechishga rozilik
Avtoto'lov ishlatsangiz, xaridorning kartadan avtomatik yechishga roziligi shartnomada bo'lishi kerak. Kafil kartasi yoki uchinchi shaxs (masalan, xaridorning ota-onasi) kartasidan yechish ham alohida band bilan va karta egasining roziligi bilan yoziladi — qachondan boshlab yechilishi bilan birga (masalan, kechikishning 5-kunidan).
6. Qurilmani bloklash
Telefon sotsangiz: qurilmaga masofadan boshqarish dasturi (MDM) o'rnatilishi, to'lov necha kun kechikkanda bloklanishi va to'lovdan keyin blokdan chiqarilishi yozilsin. Shart oldindan yozilgan bo'lsa, mijoz bloklashdan norozi bo'lganda ham do'kon o'z huquqi doirasida harakat qiladi.
7. Kechikish oqibatlari
Kechikishda nima bo'lishini aniq yozing: eslatma, kafilga murojaat, qurilmani bloklash, rasmiy ogohlantirish, sudga murojaat va undiruv bilan bog'liq xarajatlar. Penya yoki jarima qo'yish-qo'ymaslik — do'konning qarori; ABBOT standart shablonida penya va foiz yo'q.
8. Shaxsiy ma'lumotlar va kredit byurosi
- Xaridor ma'lumotlarini qayta ishlashga rozilik.
- Kredit tarixini (KATM) olishga va shartnomani kredit byurosiga yuborishga rozilik.
- SMS va Telegram orqali xabarnoma olishga rozilik.
9. Imzo
Shartnoma qog'ozda yoki elektron imzolanishi mumkin. Elektron imzoda nima isbot bo'lishini oldindan o'ylang: imzo vaqti, SMS kod yoki biometrik tasdiq, IP manzil va imzolangan hujjat nusxasi. ABBOT'dagi onlayn shartnoma bularning hammasini avtomatik saqlaydi.
Qisqa tekshiruv ro'yxati
- Taraflarning to'liq ma'lumotlari va JShShIR
- Tovar va uning IMEI yoki seriya raqami
- Yakuniy narx, boshlang'ich to'lov, grafik ilovada
- Mulk huquqi qachon o'tishi
- Kartadan yechishga rozilik (xaridor, kafil, uchinchi shaxs)
- Qurilmani bloklash sharti
- Kechikish oqibatlari
- Shaxsiy ma'lumotlar va KATM'ga rozilik
- Imzo va uning isboti
ABBOT buni siz uchun qiladi
Mijozni tekshirish, shartnoma, grafik, kartadan avtoto'lov va kechikkanlar bilan ishlash — bitta nasiya savdo dasturida.