Avtoto'lov qanday ishlaydi
- 1
Karta ulanadi
Shartnoma tuzishda mijoz karta raqamini beradi va SMS kod bilan tasdiqlaydi. Bir shartnomaga bir nechta karta ulanishi mumkin.
- 2
To'lov kuni
Grafikdagi sana kelgach, tizim kartadan oylik summani yechishga harakat qiladi.
- 3
Har soat
Mablag' yetmasa, qarz yopilguncha har soatda yana tekshiradi va kartada borini yechadi.
- 4
Avtomatik yozuv
Har bir yechilgan summa shartnomaga o'zi tushadi, grafik yangilanadi, mijozga SMS ketadi (xizmat yoqilgan bo'lsa).
Kafil va uchinchi shaxs kartasi
Ko'p hollarda mijozning o'z kartasida pul bo'lmaydi, lekin otasi, turmush o'rtog'i yoki kafili to'lashga rozi. ABBOT'da shu kartalarni ham shartnomaga ulash mumkin:
- Kafil kartasi — kechikishning 5-kunidan boshlab ishlaydi; bu shart standart shartnomada yozilgan.
- Uchinchi shaxs kartasi — karta egasi SMS kod bilan rozilik beradi, shartnomada ham ruxsat ko'rsatiladi.
- JShShIR orqali undirish — shartnoma sahifasida yoqiladi: to'lov mijozning o'z nomidagi boshqa kartalaridan ham yechiladi.
Mijoz o'zi to'lashi ham mumkin
Avtoto'lov bilan birga mijoz Payme yoki Click orqali, kassada naqd yoki terminal orqali to'lashi mumkin. Barcha to'lovlar bitta shartnomada yig'iladi, qaysi yo'l bilan kelgani ko'rinib turadi. Kunlik hisobotda «shundan avtoto'lov» qatori alohida chiqadi.
Ulanish uchun nima kerak
Kartadan yechish uchun tashkilot to'lov provayderi (Plum, Atmos yoki UniAccess) bilan shartnoma tuzadi: ariza imzo va muhr bilan ikki nusxada, direktor buyrug'i va bank hisob raqamiga E-POS biriktiriladi. Hujjatlarni tayyorlashda yordam beramiz, ulanish holatini ABBOT'ning o'zida kuzatasiz.
| Provayder | Imkoniyat |
|---|---|
| Plum (MyUzcard) | Kartadan yechish, karta skoringi |
| Atmos | Kartadan yechish, karta skoringi |
| UniAccess (Autopay) | JShShIR bo'yicha avtoto'lov, Humo karta skoringi |
Nima uchun avtoto'lov to'lov intizomini oshiradi
Kechikishlarning ko'pi qasddan emas: mijoz sanani unutadi, do'konga borishga vaqti bo'lmaydi yoki maosh kechikib tushadi. Avtoto'lov bu sabablarni olib tashlaydi — pul kartaga tushgan soatning o'zida yechiladi. Sizning undiruvchilaringiz esa haqiqatan to'lamayotganlar bilan shug'ullanadi.
Qarzdorlik bilan keyingi bosqichlar — eslatma, va'da, bloklash, pochta xati — qarzdorlik undiruvi sahifasida.