Дўкон дастури: насия, омбор, касса ва молия бир жойда

Бир нечта дастур нега қимматга тушади

• Маълумот икки-уч марта киритилади. Насияга сотилган телефон насия дастурида бор, лекин омбор дастуридан уни қўлда айириш керак.
• Ҳисоботлар бир-бирига тўғри келмайди. Савдо бир дастурда, харажат иккинчисида, ойлик Excel'да — соф фойдани билиш учун ҳаммасини қўлда йиғасиз.
• Ҳар бирига алоҳида обуна. Бир нечта дастур — бир нечта тўлов ва бир нечта логин.
• Кассадаги фарқнинг сабабини топиш қийин. Пул қайси савдодан тушгани ва қайси харажатга кетгани турли жойда ёзилган бўлади.

ABBOT'да маҳсулот, мижоз, шартнома, тўлов, касса ва ходим битта базада боғланган. Сотув бўлди — омбор қолдиғи, касса, мижоз қарзи, сотувчининг KPI'си ва ҳисоботлар ўзи янгиланади.

ABBOT'да нималар бор

1. Насия шартномалари

Нарх, бошланғич тўлов ва муддатни киритасиз — ойлик тўловлар санаси ва суммаси билан график ўзи тузилади. Устама тарифдан олинади (масалан, 6 ва 12 ой учун алоҳида), шартнома сўмда ёки долларда бўлиши мумкин, кафил қўшилади. Мижоз шартномани дўконда қоғозга ёки уйида туриб телефонида SMS код ёки Face ID (MyID) билан имзолайди; имзо вақти, IP манзил ва қурилма ёзиб қўйилади. Батафсил: Насия шартномаси ва онлайн имзо.

2. Нақд ва қарз савдо

Нақд савдо, насия ва қарзга савдо битта омбордан чиқади. Сотувда маҳсулот номи билан қидирилади ёки IMEI/штрих-код сканерланади, чек бир зумда йиғилади. Қарзга олган мижозлар алоҳида рўйхатда кўринади. Касса сменаси очилади ва ёпилади: смена охирида камомад ёки ортиқча бўлса, дарҳол кўринади.

3. Омбор

Телефонлар IMEI билан, техника серия рақами билан, қолган товарлар штрих-код билан кирим қилинади; кирим нархи сўмда ёки долларда. Ҳар бир дона кимдан келгани, қайси филиалда тургани ва кимга сотилгани кўринади. Филиаллар орасида кўчириш, инвентаризация, ҳисобдан чиқариш, омбор баланси, кам қолган товарлар ва ABC таҳлил бор. Ҳар бир маҳсулотда кирим, нақд, насия ва минимал нарх бор — сотувчи минималдан арзон сота олмайди, ценник ва этикеткалар шу нархлар билан чоп этилади. Батафсил: Омбор ва касса.

4. Молия

Барча нақд кассалар, карталар ва банк ҳисоблари битта жойда: пул оқими, фойда ва зарар (P&L), баланс, таъминотчилар ва харажатлар — сўмда ва долларда, доллардаги ҳисоблар Марказий банк курсида. Насияда фойда бир кунда эмас, ойлар давомида келади, шунинг учун ABBOT пул оқими ва фойдани алоҳида кўрсатади: ой охирида аслида қанча соф фойда қолганини аниқ биласиз. Батафсил: Молия.

5. Ходимлар давомати

Ходим ишга келганда ўз телефонидаги ABBOT иловасида юзини кўрсатиб белги қўяди. Тизим тирик одам эканини, айнан ўзи эканини ва филиал ёнида турганини текширади — белгини бошқа одам ёки уйдан туриб қўйиб бўлмайди. Кириш вақти иш жадвали билан солиштирилади, кечикиш дақиқаси билан ёзилади. Алоҳида қурилма керак эмас. Батафсил: Face ID давомат ва ойлик.

6. Ойлик ва KPI

Иш кунлари, кечикишлар, бонус ва жарималар ойликка ўзи қўшилади. Сотувчи, ундирувчи ва операторларнинг KPI'си ABBOT'даги ҳақиқий савдо ва ундирувдан олинади — ой охирида рақамларни қўлда кўчириш шарт эмас. Иш жадваллари, дам олиш сўровлари ва кечикишлар статистикаси ҳам шу ерда.

7. Instagram ва Telegram хабарлари

Instagram Direct, пост изоҳлари, компаниянинг Telegram ёзишмалари, Meta Lead Ads аризалари ва Sipuni қўнғироқлари битта ойнада. Ҳар бир мурожаат буюртмага айланади ва босқичлардан ўтади: янги, боғланилди, келади, шартнома тузилди ёки рад этди. Мижоз келиб шартнома тузганида унинг ёзишмалар тарихи тайёр туради. Мижозлар учун Telegram бот ҳам бор: унда мижоз ўз графигини, тўланган ва қолган суммани кўради, тўлов кунидан олдин эслатма олади. Батафсил: Маркетинг.

8. AI автожавоб

Мижозлар кўпинча бир хил савол беради: «Навбатдаги тўловим қачон?», «Картадан тўласам бўладими?». AI автожавоб Instagram ва Telegram'даги бундай хабарларга дарҳол жавоб беради — масалан, мижознинг шартномасига қараб кейинги тўлов санаси ва суммасини айтади. Жавоб кутиб қолган мижоз бошқа дўконга кетмайди, ходимларингиз эса мураккаб саволларга вақт топади.

Насия дўкони учун қўшимча имкониятлар

• Мижозни текшириш — насиядан олдин битта сўровда: KATM кредит тарихи, MIB қарзи, INPS ва солиқ даромади, карта айланмаси, MyID. Лимитни ўзингиз қўясиз.
• Автотўлов — тўлов мижоз картасидан автоматик ечилади: ҳар соатда уриниш, қисман ечиш, кафил ва учинчи шахс картаси.
• Қурилмани блоклаш — iPhone ва Android телефонни масофадан блоклаш: тўлов кечикса қурилма ўзи блокланади.
• Қарздорлик ундируви — автоматик SMS, тўлов ваъдаси, ундирувчилар KPI'си, расмий почта хати ва судга ошириш.
• Ҳисоботлар ва AI — кутилаётган тушум, KPI, рентабеллик; ҳар куни 20:00 да раҳбарга Telegram ҳисобот; саволларга оддий тилда жавоб берадиган AI ёрдамчи (фақат ўқийди, ҳеч нарсани ўзгартирмайди).

Кимлар учун

Насия ва нақд савдо қиладиган дўконлар учун: телефон дўконлари, маиший техника ва мебель. Битта дўкон ҳам, филиаллар тармоғи ҳам ишлай олади: ҳар бир ҳисобот филиал, сотувчи, давр ва валюта бўйича фильтрланади ва Excel'га юклаб олинади. ABBOT браузерда ишлайди, мобил иловаси App Store ва Google Play'да бор.

Бепул демо қандай олинади

1. 1

   Бўлимларни танланг

   abbot.uz/демо саҳифасида сизга керак бўлимларни белгиланг.

2. 2

   Рақамингизни қолдиринг

   Дўконингиз номи ва телефон рақамингизни ёзинг.

3. 3

   Демо кўринг

   Менежеримиз сиз билан боғланади ва ABBOT'ни бепул кўрсатади. Телефон: +998 90 976 08 98.