Насия қандай ҳисобланади
Насияда мижоз товарнинг бир қисмини дарҳол тўлайди (бошланғич тўлов), қолганини эса ойма-ой. Дўкон қолган суммага устама қўшади — бу товарни ҳозир бериб, пулни кейин олгани учун нарх фарқи. Ҳисоб уч қадамда:
- Насияга қолган сумма = товар нархи − бошланғич тўлов.
- Устама = қолган сумма × устама фоизи (бутун муддатга) ёки қолган сумма × ойлик устама × ойлар сони.
- Ойлик тўлов = (қолган сумма + устама) ÷ ойлар сони.
Мисол
Телефон нархи 11 400 000 сўм, бошланғич тўлов 2 400 000 сўм, 12 ойга 40% устама. Насияга қолган: 9 000 000 сўм. Устама: 9 000 000 × 40% = 3 600 000 сўм. Насия суммаси: 12 600 000 сўм. Ойлик тўлов: 12 600 000 ÷ 12 = 1 050 000 сўм. Мижоз жами 15 000 000 сўм тўлайди.
Яхлитлаш нима учун керак
Ойлик тўлов 1 049 167 сўм чиқса, мижоз ва кассирга ҳам ноқулай. Калькулятор ойлик суммани танланган қадамга юқорига яхлитлайди (масалан 1 050 000), охирги тўлов эса фарқни ўзига олади — жами сумма ўзгармайди.
Устамани қандай белгилаш керак
Устама ҳар бир дўконнинг харажати ва хавфига боғлиқ: товар пули неча ой банд бўлади, мижозни текшириш, MDM ва SMS қанча туради, кечикиш ва қайтмайдиган қарзлар улуши қанча. Муддат узайиши билан устама одатда ошади. Устамани нарх сиёсатингизга қараб ўзингиз белгилайсиз; ABBOT'да ҳар бир муддат учун устамани тарифга ёзиб қўясиз ва шартнома тузишда у автоматик қўлланади.