Нега насиядан олдин текшириш керак
Насиядаги йўқотишларнинг катта қисми битта сабабдан: мижоз дўконга келганида аллақачон бошқа жойларда қарздор бўлади. Унинг бошқа банкдаги кредити, бошқа дўкондаги насияси ёки MIB'даги ижро иши сотувчига кўринмайди — мижознинг ўзи айтмайди.
Текширувнинг мақсади мижозни рад этиш эмас, балки тўғри лимит бериш: ким 12 ойга 15 миллион олиши мумкин, кимга 6 ойга 4 миллион етарли, кимдан катта бошланғич тўлов ёки кафил сўраш керак. ABBOT шу қарорни бир неча дақиқада, бир хил қоида билан қабул қилишга ёрдам беради — сотувчининг кайфияти ёки танишлиги эмас, маълумот ҳал қилади.
ABBOT қайси манбаларни текширади
Ҳар бир манба алоҳида пуллик сўров, шунинг учун қайсилари мажбурий, қайсилари ихтиёрий эканини созламада ўзингиз танлайсиз. Ҳаммаси битта тугма билан юборилади, натижа битта саҳифада чиқади.
| Манба | Нимани кўрсатади |
|---|---|
| KATM кредит тарихи | Фаол кредитлар ва насиялар, ойлик юклама, жорий ва ўтган кечикишлар, скоринг балли |
| KATM Универсал | Барча мажбуриятлар бўйича кенгайтирилган тарих; кечикиш чегарасини созлаб қўйиш мумкин |
| MIB | Мажбурий ижро бюросидаги очиқ ижро ишлари ва қарз суммаси |
| INPS | Расмий иш жойи ва ойлик маош |
| Солиқ (DSQ) | Солиқ органидаги даромад маълумоти |
| Пенсия | Пенсия ва нафақа тўловлари |
| Карта скоринги | UzCard ва Humo карталари бўйича ойлик айланма (MyUzcard, Atmos, UniAccess орқали) |
| Автотўлов скоринги | ЖШШИР бўйича карталардан автоматик ечиш имконияти |
| Ўз базангиз | Мижоз аввал сизда насия олганми ва қандай тўлаган |
| Оқ ва қора рўйхат | Ишончли доимий мижозлар ва аввал рад этилганлар |
| MyID | Шахсни юз ва паспорт орқали биометрик тасдиқлаш |
Скоринг стратегияси: қарор қоидасини ўзингиз ёзасиз
Ҳар бир дўконнинг хавф даражаси ҳар хил. Телефон дўкони MDM билан ҳимоялангани учун кўпроқ лимит бериши мумкин, мебель дўкони эса кафилга таянади. Шунинг учун ABBOT'да тайёр «ҳа/йўқ» эмас — сизнинг қоидангиз ишлайди:
- Лимит расмий даромаддан ҳисобланади: масалан INPS маоши ёки карта айланмасининг маълум бир улуши.
- Кечикиш чегараси: Универсал ҳисоботда белгиланган кундан узун кечикиш бўлса — рад этиш.
- Қайси манбалар мажбурий: кичик суммага фақат KATM ва MIB, катта суммага — барчаси.
- Лимитдан ошган шартнома: раҳбарнинг Telegram'ига тасдиқ коди боради, сотувчи кодни киритмагунча шартнома тузилмайди.
- Рад этиш сабаблари рўйхати: кейин ҳисоботда нечта мижоз қайси сабабдан қайтганини кўрасиз.
Текширув қандай ўтади
- 1
Паспорт маълумоти
Паспорт сканерланади ёки ЖШШИР қўлда киритилади. Мобил иловада телефон камераси билан.
- 2
MyID
Мижоз телефонга қараб юзини тасдиқлайди — шахс ва паспорт бир одамга тегишли экани аниқланади.
- 3
Сўров
Танланган манбаларга битта сўров кетади. Одатда натижа бир-икки дақиқада келади.
- 4
Қарор
Тизим стратегия бўйича лимит ва тавсияни кўрсатади. Сотувчи тасдиқлайди ёки сабабини танлаб рад этади.
- 5
Шартнома
Тасдиқланса, ҳисобот шартномага бириктирилади ва кейин ҳар доим очиб кўриш мумкин.
Шартномаларни KATM'га юбориш
Созламада ёқилса, тузилган шартномалар KATM'га юборилади. Бу икки томонлама фойда: мижознинг бошқа жойлардаги кредит тарихида сиздаги қарзи кўринади, у эса тўлов интизомини бузишдан олдин ўйлаб кўради.
Нархи
Текширув фақат ишлатилганда балансдан ечилади: ABBOT скоринг — ҳар бир текширув 25 000 сўм, MyID — 5 000 сўм. Ойлик обуна ва бошқа хизматлар нархи нархлар саҳифасида.