Асосий ҳисоботлар
| Ҳисобот | Қайси саволга жавоб беради |
|---|---|
| Бошқарув панели | Бугун ва шу ой: савдо, шартномалар, тўловлар, муддати ўтган қарз |
| Кутилаётган тушум | Келгуси кунларда қанча пул келиши керак ва қанчаси автотўлов билан |
| Шартномалар интизоми | Қайси шартномалар ўз вақтида, қайсилари доим кечикиб тўланади |
| Рентабеллик | Қайси товар ва категория қанча фойда беради |
| Сотувчилар KPI | Ким нечта шартнома тузди ва унинг мижозлари қандай тўлаяпти |
| Ундирувчилар KPI | Ким қанча ундирди, нечта ваъда бажарилди |
| Сотувлар ойнаси | Давр бўйича савдо динамикаси |
| Моддий ҳисобот | Товар ҳаракати ва қолдиқ қиймати |
| Операциялар ва транзакциялар | Ҳар бир тўлов ва пул ҳаракати, манбаси билан |
Ҳар бир ҳисоботни филиал, сотувчи, давр ва валюта бўйича фильтрлаш ва Excel'га юклаб олиш мумкин.
Раҳбарга кунлик Telegram ҳисобот
Ҳар куни соат 20:00 да раҳбарнинг Telegram'ига куннинг якуни келади. Қайси блоклар кераклигини ўзингиз танлайсиз: берилган шартномалар ва бошланғич тўлов, шартнома тўловлари (шундан автотўлов), нақд савдо, муддати ўтган қарз, эртага кутилаётган тушум ва бугунги тўлов ваъдалари.
AI ёрдамчи
ABBOT ичида саволни оддий тилда ёзасиз: «Октябрда ким энг кўп шартнома тузди ва уларнинг нечтаси кечиккан?» ёки «Юнусобод филиалида шу ой қанча харажат бўлди?». Ёрдамчи керакли ҳисоботлардан маълумот олиб, жадвал билан жавоб беради.
- Фақат ўқийди — ҳеч қандай ёзувни ўзгартирмайди, тўлов киритмайди, ўчирмайди.
- Рухсат бўйича — бизнес чати фақат унга рухсат берилган ходимларга очилади.
- Дастурдан фойдаланиш бўйича саволлар — «қайтарилган товар қандай киритилади?» каби саволларга қўлланма асосида жавоб беради.
- Роль яратишда ёрдам — ролни сўз билан тасвирлайсиз («кассир, фақат нақд савдо ва касса»), AI керакли рухсатларни таклиф қилади.
Claude билан уланиш
ABBOT ҳисоботларини Claude'га коннектор сифатида улаш мумкин. Ҳар бир ходим ўз ABBOT ҳисоби билан киради ва «бугун кассага қанча тушди, филиаллар бўйича айт» каби саволларни тўғридан-тўғри Claude'да беради. Уланиш ҳам фақат ўқиш учун.