Автотўлов қандай ишлайди
- 1
Карта уланади
Шартнома тузишда мижоз карта рақамини беради ва SMS код билан тасдиқлайди. Бир шартномага бир нечта карта уланиши мумкин.
- 2
Тўлов куни
Графикдаги сана келгач, тизим картадан ойлик суммани ечишга ҳаракат қилади.
- 3
Ҳар соат
Маблағ етмаса, қарз ёпилгунча ҳар соатда яна текширади ва картада борини ечади.
- 4
Автоматик ёзув
Ҳар бир ечилган сумма шартномага ўзи тушади, график янгиланади, мижозга SMS кетади (хизмат ёқилган бўлса).
Кафил ва учинчи шахс картаси
Кўп ҳолларда мижознинг ўз картасида пул бўлмайди, лекин отаси, турмуш ўртоғи ёки кафили тўлашга рози. ABBOT'да шу карталарни ҳам шартномага улаш мумкин:
- Кафил картаси — кечикишнинг 5-кунидан бошлаб ишлайди; бу шарт стандарт шартномада ёзилган.
- Учинчи шахс картаси — карта эгаси SMS код билан розилик беради, шартномада ҳам рухсат кўрсатилади.
- ЖШШИР орқали ундириш — шартнома саҳифасида ёқилади: тўлов мижознинг ўз номидаги бошқа карталаридан ҳам ечилади.
Мижоз ўзи тўлаши ҳам мумкин
Автотўлов билан бирга мижоз Payme ёки Click орқали, кассада нақд ёки терминал орқали тўлаши мумкин. Барча тўловлар битта шартномада йиғилади, қайси йўл билан келгани кўриниб туради. Кунлик ҳисоботда «шундан автотўлов» қатори алоҳида чиқади.
Уланиш учун нима керак
Картадан ечиш учун ташкилот тўлов провайдери (Plum, Atmos ёки UniAccess) билан шартнома тузади: ариза имзо ва муҳр билан икки нусхада, директор буйруғи ва банк ҳисоб рақамига E-POS бириктирилади. Ҳужжатларни тайёрлашда ёрдам берамиз, уланиш ҳолатини ABBOT'нинг ўзида кузатасиз.
| Провайдер | Имконият |
|---|---|
| Plum (MyUzcard) | Картадан ечиш, карта скоринги |
| Atmos | Картадан ечиш, карта скоринги |
| UniAccess (Autopay) | ЖШШИР бўйича автотўлов, Humo карта скоринги |
Нима учун автотўлов тўлов интизомини оширади
Кечикишларнинг кўпи қасддан эмас: мижоз санани унутади, дўконга боришга вақти бўлмайди ёки маош кечикиб тушади. Автотўлов бу сабабларни олиб ташлайди — пул картага тушган соатнинг ўзида ечилади. Сизнинг ундирувчиларингиз эса ҳақиқатан тўламаётганлар билан шуғулланади.
Қарздорлик билан кейинги босқичлар — эслатма, ваъда, блоклаш, почта хати — қарздорлик ундируви саҳифасида.